AYO NYEMAK GEGURITANE MURIDKU

Sekolahanku

Alif Yusroni/ IX-C

SMPN 1 Gondanglegi

Sekolahanku sing endah temenan

Panggonane ing pinggir dalan

Lan ing ngarepe pondok’an

            Sekolahanku sing endah temenan

            Ing ngarepan katon bangunan

            Ing buritan katon wit-witan

            Adiwiyata dadi tujuan

Sekolahanku sing nomer siji

Wujude ono ing Gondang legi

Ikulah SPENSAGI

ALAS KOBONG

Diah Ayu K./ IX-C

SMPN 1 Gondanglegi

Kobong .. Kobong .. Alasku Kobong

Panase para prajurit narpati brama

Agawe wit-witan lan kewan-kewan keplayon-playon

Jerit-jerit nuwun pitulung manungsa

            Alas mung dadi suwung

            Awang-awang mung dadi peteng kemebul

            Nutupi cahyane aji bagaskara

Alasku mesakake banget nasibmu

Amarga salah tindak e manungsa

Sliramu dadi korban murkaning brama

            Ilange kelestarianmu

            Agawe mala petaka dumatheng jagad iki

            Musibah, bencana marang manungsa

Ayo bala kanca padha nglestarikno alam jagad iki

Supaya generasi penerus kita

Bisa nyawang kaendahan jagad iki

KUPU-KUPU

Rizqi Amalia IX-C

SMPN 1 Gondanglegi

Kupu-kupu ananta swiwimu kang endah

Nggawe sopo wae kepincut nalika ndeleng kaendahanmu

Miber rono-rene ing udyana

Ing antarane sekar-sekar sira gaek sari madu

            Kupu-kupu kowe tansah nggae trenyuh ati iki

            Yen uripmu ing jagad iki ora suwe

            Mung seminggu aku bisa nyawang kaendahanmu

            Sadurunge kowe sirna saka jagad raya iki

REMBULAN

Virda Erli A. IX-C

SMPN 1 Gondanglegi

Rembulan ing wayah wengi sumunar

Sumunar kale lintang-lintang ing dirgantara

Saben wengi nyinari wit-witan lan satwa-satwa

Nanging yen mendhung ketutupan kale awan

            Saben isuk diganti karo bagaskara

            Aku pingin bisa ndulu terus

            Tapi niku mboten saged

            Amerga entene wayah wengi

Saben wengi aku ndulu ing panti

Ndulu sumunar abyor kang terang

Matur nuwun gusti

Pun nyipta aken rembulan kang endah

SEKOLAH ADIWIYATA

Lailatul Iza IX-C

SMPN 1 Gondanglegi

Ing wetan bagaskara

Sumunare wis cahya

Nyawang kaendahan sekolahku

Nggawe athiku kasemsem

            Godong ijo katon royo – royo

            Kupu – kupu miber ing angkasa

            Kaya kreta kencana baris ing dirgantara

            Sawangen katon endah banget

Resek sing ora wiguna

Wis disulap dadi rabuk kompos

Digawe daur ulang kang wiguna

Adiwiyata sekolahku

Njaga kelestarian alam

Njaga kelestarian lingkungan